Komponisten

 

Jorun Marie Kvernberg er av dei leiande komponistane og arrangørane i folkemusikkfeltet i Noreg i dag. For året 2020 fekk Kvernberg arbeidsstipend frå Statens Kunstnarstipend som populærkomponist. I 2021 vart Kvernberg tildelt Møre og Romsdal fylkeskommune sitt kunstnarstipend for komponeringsarbeidet.

 

Som komponist og arrangør har ho utvikla seg særleg i arbeidet med musikk til gruppene Tindra og Majorstuen gjennom nærare 20 år. Som 25-åring fekk ho i 2004 sitt første tingingsverk, for NRK. Verket «Då kom du» resulterte i den første, og førebels einaste, Edvard-prisen (TONO) i sjangeren folkemusikk. Juryen uttalte det m.a. slik:

 

«Eit nake, nært, velforma, nytt folkemusikkverk med noko personleg, lyst og urørt over seg.»

Sidan har Kvernberg bidratt i fleire ulike tingingsverk.

Det to siste og største prosjekta er det ordlause verket «Tagal» for Kvedarkvintetten og verket På geitevis / Perleskum med tekster av Aasmund Olavsson Vinje, begge tinga og urframført på Førde internasjonale folkemusikkfestival (2021 og 2018).

 

Andre større prosjekt er m.a. «Den kvite hjorten» med trioen Tindra og verka «Skrible» og «Kvitre» saman med fele-ensemblet Majorstuen.

Kvernberg var den norske komponisten i storsatsinga «Nordic Folk Sound Orchestra» under Førdefestivalen 2017, med kring 40 profilerte folkemusikarar og solistar frå heile Norden som utøvarar.

Høyr komposisjonane i NRK-sendinga her på tidene 11:37, 25:45, 33.33, 

Kvernberg har også komponiert musikk til animasjonsfilmane «Something Withy» av Arielle Demillecamps og «Fear Rua» av Rory Thompson lansert. Kvernberg har komponert musikken som blir framført av Kvernberg og Operaens Sinfonietta (Kristiansund). Den førstnemnde har henta inn mange prisar frå filmfestivalar kringom i verda.

 

Duoen Bjørn Kåre Odde (fele/bratsj) og Ole Nilssen har fått eit verk på 15 min som skal spelast inn i næraste framtid. Kvernberg har også arrangert tre av Aslak Brimi sine slåttar i Aslak Brimi Kvartett sitt album Isomeri (spor Orbital, Operavals og Naki grein).     

2019-12-20%2014.06_edited.jpg