Perleskum

 

Aasmund Olavsson Vinje, den tvisynte diktaren med den skarpe pennen, fylte 200 år 2018. Det vart mellom anna feira med tingingsverket «På geitevis» av Jorun Marie Kvernberg til  Førdfestivalen 2018.

 

I vidareutviklinga av dette kom prosjektet Perleskum til: To folkemusikarar og to jazzmusikarar leikar seg med nye tonar til Vinje sine gamle ord. Tuba-virtuosen Daniel Herskedal ertar den kvikke nordmørs-stemma Unni Boksasp opp i nye høgder. På svarte og kvite loddar Dag-Filip Roaldsnes djupet, medan komponist og felespelar Jorun Marie Kvernberg ausar på og opp og fram med boge og streng. 

 

Dei ettertrakta musikarane har kvar for seg og i ulike konstellasjonar mangfaldige plateutgjevingar, fleire Spellemannprisar og ei imponerande merittliste. 

 

Plata til Perleskum kjem i mars 2020 med påfølgande konsertar og turnéar.

 

Jorun Marie Kvernberg: fele, hardingfele, song (og komposisjonar)

Unni Boksasp: folkesong, zitter

Daniel Herskedal: tuba

Dag-Filip Roaldsnes: piano

Aasmund Olavsson Vinje: skarp penn

​