Perleskum
Perleskum er Jorun Marie Kvernberg si leikegrind som komponist og bandleiar, og som musikar på fele, hardingfele og song saman med tubavirtuosen Lars Andreas Haug og klangfullt og drivande pianospel frå Dag-Filip Roaldsnes.
Tidlegare medlemer:
Unni Boksasp (folkesong)
Daniel Herskedal (tuba)
I mars 2020 utgav bandet sitt første album: «Tytebæret» på plateselskapet ta:lik.
Singelen «Den dag kjem aldri» kom våren 2021.
Perleskum fann tonen gjennom eit tingingsverk til Førdefestivalen sommaren 2018. Aasmund Olavsson Vinje vart feira med nye tonar og barneforestillinga «På geitevis» med manus og regi av Tore Nysæther.
Sidan utvikla konsertversjonen «Perleskum» seg, stadig med Aasmund Olavsson Vinje sine dikt som songtekstmateriale.
I 2023 går ferda vidare som trio, med ei ny musikalsk retning.
